BAYANG MAGILIW – sumisimbolo sa pagiging maasikaso ng Pilipino at walang pagtatakip sa anumang baho.

PERLAS NG SILANGANAN – mayaman ang ating bansa, kaya lang marami din ang nagpapasasa sa kaban ng bayan. Ang yamang ito’y para sa lahat at hindi para lamang sa iilang makapangyarihan.

ALAB NG PUSO, SA DIBDIB MO’Y BUHAY – tuwing naririnig ko ang mga katagang ito, naluluha ako dahil una, totoong buhay sa maraming Pilipino ang alab nang pagiging makabayan. Ikalawa, naluluha ako dahil iba ang alab sa puso ng ilan nating lider.

LUPANG HINIRANG, DUYAN KA NG MAGITING – Ang bayang ito’y hinirang bilang tahanan ng magigiting na bayani. Bayaning maituturing ang empleyadong hindi nag uuwi ng paper clip sa bahay.

SA MANLULUPIG, DI KA PASISIIL – ang manlulupig ay di lang ang mananakop kundi maging ang sariling di kayang sakupin ng kabutihan.

SA DAGAT AT BUNDOK SA SIMOY AT SA LANGIT MONG BUGHAW – ang mga talata’y simbolo ng ating kasarinlan at kalayaan. Mananatiling bughaw ang langit sa ating bayan kung mawawala ang maitim na ulap ng kasakiman sa isip ng ilan nating kababayan.

MAY DILAG ANG TULA, AT AWIT SA PAGLAYANG MINAMAHAL – may angking ganda ang ating mga tula at awiting sumasalamin sa ating pagnanasang makilala bilang lahing malaya at umiibig sa pagkakakilanlang kultura. Nalupig na rin ba ng kurapsyon ang mga Kundiman, Balagtasan, Tirigsikan at mga haranang pamana na ating nakaraan.

ANG KISLAP NG WATAWAT MO’Y TAGUMPAY NA NAGNININGNING – ang kislap ng ating bandila ay simbolo ng pagsisikhay at pakikipaglaban ng ating mga bayani makamtan lang ang minimithing kasarinlan at katarungan. Ang ating watawat dapat kumikislap sa lahat ng Pilipino lalo na sa mga pulitiko. Ang sagisag ng katapangan ang dapat kumislap at hindi ang mga matang may pagnanasang lurayin ang ultimo singkong duling.

ANG BITUIN AT ARAW NIYA, KAILAN PA MA’Y DI MAGDIDILIM – talagang hindi magdidilim kung maa agapan pang huwag magdiliryo at atakihin ng kasakiman ang pusong nasa pusod ng kadiliman.

LUPA NG ARAW NG LUWALHATI’T PAGSINTA, BUHAY AY LANGIT SA PILING MO – langit ang tatamasain kung langit ang magpapasimuno ng pag-ibig sa bayan. Ang problema kung kunwa’y langit lang ang mamumuno, yun pala’y lahing matatalino…magna, magna cum…magna…nakaw.

AMING LIGAYA NA PAG MAY MANG-AAPI, ANG MAMATAY NG DAHIL SA IYO -

ito’y panawagan sa bawat isa, may katungkulan man o wala, manunulat man o manunulot – iisa lang itong bangka kung saan tayo naka tapak. Wag nating apihin ang sarili nating bayan. Mahalin natin ang sariling atin. Mahalin natin ang ating bayan. Ang bayan ay hindi ang ating bansang gawa ng ibang bayan. ANG BAYAN AY TAYO. Kung tayo man ay mamamatay, ito ay dahil sa pagtatanggol sa ating kapwa sa pamamagitan ng pagpatay sa makasariling puso.

Mabalos po Kuya Romy sa pagkakataong makapagpahayag…may pag-asa habang nabubuhay!

xRAGEx

ang pagboto ay isang karapatan at tungkulin ng bawat botante na nakasaad sa SALIGANG BATAS ng ating bansa. ang tungkulin na pagaaral maigi ang mga binibitiwan mga salita ng kandidato. halimbawa==kung gusto kung yumaman pa ang gagawin ko ay magbalik na lamang sa negosyo==ang tanong==papaano babalik ang isang hindi umaalis==halimbawa==ako’y nanggaling sa mahirap==at sino ang hindi nagmula sa mahirap.

noong ako’y bata pa wala pang SMOKEY MOUNTAIN, wala pang dagat ng basura. ang basura ay hinahanap pa sa mga bahay-bahay. dala ng kapabayaan sa pagkilatis ng mga kandidato, nagkaroon tayo ng dagat ng basura.

sa maraming resulta ng kapabayaan , ang karapatan ibinigay sa ating ng ating SALIGANG BATAS ay unti unti nananakaw hanggang umabot tayo sa situasyong nais ng alisan pati ang magulang na hindi nakatapos ng kolehiyo ay nais pang alisan ng karapatan ng mga taong naturingan matalino ngunit bobo sa paggalang sa nakakatanda.

ang nangyayari ngayon ay bunga ng katungkulan na pinabayaan ng mga representante O congressman na ating pinili upang ipaabot sa bulwagan ng kongresso ang mga hinaing at pangangailan ng kanilang distrito. higit nilang binigyan ng pansin ang partidong kinabibilangan.
nasaan ang sinabi ni late president Manuel Quezon==my loyalty to my party ends where my loyalty to my people begins.

ngayon , nasaan ang iyong loyalty? nasa kandidato O nasa pagkakataon mabigyan ng magandang pagasa ang ating mga kapos sa buhay, pagaralan mong mabuti ang iyong karapatan ang gampanan ng maayos ang iyong tungkulin.

maraming salamat sa pagkakataon nailabas ko ang hinanakit ng aking kabataan na ninakawan ng mas magandang bukas…………………………………….